नमो शेतकरी सन्मान योजनेचा ६ वा हप्ता २००० रुपये कधी मिळणार? समोर आली मोठी अपडेट
केंद्र सरकारच्या ‘पंतप्रधान किसान सन्मान योजने’चा १९ वा हप्ता २४ फेब्रुवारी रोजी शेतकऱ्यांच्या खात्यात जमा करण्यात आला. या योजनेअंतर्गत राज्यातील ९२.८८ लाख शेतकऱ्यांना प्रत्येकी २,००० रुपये मिळाले.
या हप्त्यासाठी एकूण १,९६७ कोटी रुपये वितरित करण्यात आले. पंतप्रधान नरेंद्र मोदी यांनी बिहारच्या भागलपूर येथे हा हप्ता जाहीर केला, तर महाराष्ट्रात साताऱ्यात मुख्यमंत्री देवेंद्र फडणवीस यांच्या उपस्थितीत हा कार्यक्रम पार पडला.
मात्र, महाराष्ट्र सरकारच्या ‘नमो शेतकरी सन्मान योजने’चा सहावा हप्ता यावेळी मिळणार नाही. राज्य सरकारने याबाबत कोणतीही अधिकृत माहिती दिलेली नाही.
विधानसभा निवडणुकीपूर्वी या योजनेचा पाचवा हप्ता शेतकऱ्यांच्या खात्यात जमा करण्यात आला होता. त्यामुळे या वेळी शेतकऱ्यांना फक्त केंद्र सरकारचा हप्ता मिळणार असून, राज्य सरकारच्या हप्त्यासाठी प्रतीक्षा करावी लागेल.
Hello,
I Am Founder OF TechTadaka.com
